கூகிள் பாவனையாளர்கள் மட்டும் வாசிக்கவும்[Don't click] [Breaking News]

இது Google operating System வலைப்பதிவில் இடப்பட்டுள்ள அறிவித்தலாகும்.http://googlesystem.blogspot.com/2010/08/dont-click-this-button-in-google-voice.html
அண்மையில் கூகிள் நிறுவனம் தனது ஜி-மைல் சேவையினூடாக தொலைபேசி அழைப்பினை மேற்கொள்ளும் வசதியினை எங்களுக்கு ஏற்படுத்தித்தந்திருந்தது. கனடா , அமெரிக்கா ஆகிய நாடுகளுக்கு எடுக்கும் அழைப்புக்கள் இலவசமாகவும் ஏனயவை கட்டணத்துடனும் வழங்கப்பட்டிருந்தது.

இந்த கட்டணம் செலுத்தப்பட்ட அழைப்புக்களை மேற்கொள்ள கூகிளிடமிருந்து credits களை கொள்வனவு செய்ய நேரிடும். தற்போதைக்கு அமெரிக்காவில் வசிக்கும் மக்கள் மாத்திரமே Credits களை வாங்க முடியும் என்பதையும் ஏனைய வாடிக்கையாளர்கள் வீண் அலைச்சல்களை தவிர்த்துக் கொள்ளும்படியும் கூகிள் பாவனையாளர்கள் வேண்டப்படுகிறார்கள்.

அப்படி நீங்கள் Credits களை வாங்க முற்படும்போது இவ்வாறான செய்தி பிரசுரிக்கப்படும்.

ஏன் நாங்க எங்கள் பொன்னான நேரத்தை வீணடிக்க வேண்டும். இது தேவையா??? அட போங்கடா எண்டு வந்திடுங்க மக்கள்ஸ்

Read more

HP கொள்வனவு செய்யவுள்ள மற்றுமொரு நிறுவனம்

கணணி மற்றும் கணணி சார் பொருட்களினை உற்பத்தி செய்து வினியோகித்துவரும் Hewlett-Packard Co. (HPQ)- http://www8.hp.com/us/en/hp-information/about-hp/index.html நிறுவனம் தற்போது புதிய ஒரு நிறுவனத்தினை கொள்வனவு செய்ய இணங்கியுள்ளது. ArcSight Inc -http://www.arcsight.com/company/ எனும் நிறுவனத்தையே HP கொள்வனவு செய்யவுள்ளதாக தகவல்கள் வெளியாகியுள்ளது.

ArcSight Inc நிறுவனமானது கணணி சார் பாதுகாப்பு முறைமைகளை வழங்கும் பிரபலமான நிறுவனமாகவும். இந்த நிறுவனத்தினை $ 1.5 பில்லியன் கொடுத்து HP கொள்வனவு செய்ய இணங்கியுள்ளதாக தெரிவிக்கப்படுகிறது.

Read more

ஜி-மைல் அறிமுகப்படுத்தும் முன்னுரிமை பெட்டி [Priority Inbox]

ஜிமைல் தொழிநுட்பம் மேலும் விரிவு படுத்தப்படுகின்றது. “Priority Inbox” எனும் புதிய வசதியை கூகிள் இன்று அறிமுகப்படுத்திவைத்துள்ளது. “Priority inbox” என்றால் என்ன? இதன் பயன்பாடு என்ன??

நாம் ஒவ்வொரு நாளும் பல மின்னஞ்ஞல்களை பெறுகிறோம். அவற்றில் சிலதை முன்னுரிமைப் படுத்தியும் சிலதை இறுதியிலும் வாசிக்கிறோம். ஏன் , சிலதை வாசிக்காமலேயே விடுகிறோம். நமக்கு கிடைக்கப்பெறும் மின்னஞ்ஞல்களில் முக்கியமானதை தேடிப்பிடிக்க குறைந்தது ஒரு சில நிமிடங்களையாவது செலவு செய்கிறோம்.



இனி அந்தக் கவலை வேண்டாம். முக்கியமான மின்னஞ்ஞல்களை தேடிப்பிடிக்கும் வேலையை நீங்கள் செய்ய தேவையில்லை. ஜி-மைலே அதனை செய்யத் தயாராகிவிட்டது. அவ்வாறு முக்கியமானதை தரப்படுத்தி இந்த புதிய “Priority Inbox” க்கு மாற்றிவிடும். இனி எனது அன்புக்குரியவன் அனுப்பும் மைலை நான் தேட வேண்டிய அவசியம் எனக்கு இருக்காது.

இந்த தரப்படுத்தலை / வகைப்படுத்தலை ஜி-மைல் தானாகவே மேற்கொள்கிறது( விரும்பினால் நீங்களும் அந்த செயற்பாட்டில் கைகோர்த்துக் கொள்ளலாம்). இந்த “Priority Inbox” 3 கட்டங்களாக பிரிக்கப்பட்டிருக்கும்.

Important and unread
Starred
Everything else.
இந்த புதிய தொழிநுட்பத்தை கட்டம் கட்டமாக கூகிள் வினியோகித்து வருகின்றது (சிலருக்கு விநியோகிக்கப்பட்டு விட்டது) . மிக விரைவில் (இந்த வாரத்திற்குள் ) உங்களையும் வந்தடையும் என்று கூகிள் கூலாக சொல்லியிருக்கிறது(http://gmailblog.blogspot.com/2010/08/email-overload-try-priority-inbox.html) . காத்திருப்போம்.. கதையல்ல.. நிஜம்..

Read more

பிறந்த நாள் பரிசாக புதிய க்ரோம் – 6 வெளியீடு

உலகத்தின் அதிவேக ப்ரவுசர் (Browser) என்று வர்ணிக்கப்படும் கூகிள் க்ரோம் (Google Chrome) தனது இரண்டாவது பிறந்த நாளை கொண்டாடுகிறது. இந்த சந்தோசத்தை எம்மோடு பகிர்ந்து கொள்ள தனது புதிய பதிப்பொன்றையும் வெளியிட்டுள்ளது. இந்த புதிய பதிப்பானது கூகிள் க்ரோம் -6 (Google Chrome-6)http://www.google.com/chrome/intl/en/landing_chrome.html?hl=en எனும் பெயரில் வெளியிட்டப்பட்டுள்ளது.

நீங்கள் பல ப்ரவுசர்களினை (Browser) பாவித்தவராயின் உங்களுக்கே க்ரோமினை பற்றி தெரிந்திருக்கும். இங்க விசேஷம் என்னவென்றால் , வேகம் தான். இந்த க்ரோம் ப்ரவுசர் பல வசதிகளைக் கொண்ட எக்ஸ்டென்சன் கலெரியை (Extension Gallery)கொண்டிருப்பதால், உங்கள் பல வேலைகளை இலகுவாக உங்கள் ப்ரவுசரிலேயே நிறைவேற்றிக் கொள்ளலாம்.

நீங்கள் கூகிள் க்ரோம் பாவனையாளாரா? உங்கள் அனுபவம் என்ன? எங்களுக்கும் சொல்லுங்களேன்

Read more

டிவிட்டரின் பயனர் தொகை 145 மில்லியன் [உத்தியோகபூர்வமானது]

சமூக வலைப்பின்னல்களில் தனக்கென்று ஒரு ட்ரெண்ட் அமைத்து செயற்பட்டுவரும் http://twitter.com/ ட்விட்டருக்கு 145 மில்லியன் பயனர்கள் இருக்குரார்களாம். இந்த செய்தியை ட்விட்டரின் CEO Evan Williams தங்களது உத்தியோக பூர்வ http://blog.twitter.com/2010/09/evolving-ecosystem.html வலைப்பதிவில் தெரிவிடத்துள்ளார்.

அண்மைய காலங்களில் ட்விட்டர் பாவனை மொபைல் சாதனங்களில் அதிகரித்துள்ளதாகவும் இதுவே இந்த வழர்ச்சிக்கு காரணம் என்றும் தெரிவித்துள்ளார்.

ப்ளக் பெரி, ஐ-போன் களினூடான பாவனையானது மிகப் பெரியளவில் அதிகரிப்பதாகவும் தற்போது வெளியிடப்பட்டிருக்கும் ஐ-பேட் அப்ளிகேசன் இன்னும் பல டிவிட்டர் பாவனையாளர்களை சந்தோசப்படுத்தும் என தெரிவித்துள்ளார்.
http://twitter.com/

Read more

புதிய வடிவில் ட்விட்டர் இணைய தளம் [உத்தியோகபூர்வமானது]

டுவிட்டர் இணைய தளம் நேற்று தனது புதிய வடிவத்தினை உலகிற்கு அறிமுகப்படுத்தியுள்ளது. உலகில் தற்போது மிகப்பிரபலமாகிவரும் ட்விட்டர் இணைய தளம் தனது பாவனையாளர்களின் வசதி கருதி ,இதுவரை காலமும் இல்லாமல் இருந்த பலவசதிகளை அறிமுகப்படுத்தியுள்ளது.[http://blog.twitter.com/2010/09/better-twitter.html]

தற்போது அறிமுகப்படுத்தியிருக்கும் புதிய டுவிட்டர் இணைய தளத்தில் நீங்கள் நேரடியாக போட்டோக்களை ஏனையோருக்கு காண்பிக்க முடியும். போட்டோக்கள் மட்டுமல்லாது வீடியோக்களையும் இணைத்து காண்பிக்க முடியும். இந்த புதிய வசதியை வழங்குவதற்கு துணையாக பின்வரும் இணைய தளங்கள் இணைக்கப்பட்டுள்ளது. DailyBooth, DeviantART, Etsy, Flickr, Justin.TV, Kickstarter, Kiva, Photozou, Plixi, Twitgoo, TwitPic, TwitVid, USTREAM, Vimeo, yfrog, and YouTube.


மேலும் ரிலேடட் கண்டெண்ட் (Related content) மற்றும் மினி ப்ரொபைல்(Mini profiles) என்றும் இரண்டு அம்சங்கள் சேர்க்கப்பட்டுள்ளன.

Read more

யாஹூ மெசெஞ்ஞரின் புதிய பதிப்பு உங்களுக்காக மட்டும்

இணைய அரட்டை என்றால் , முதலில் நினைவுக்குவருவது யாஹூ மெசெஞ்ஞர்(Yahoo Messenger) அப்ளிகேசந்தான். யாஹூ நிறுவனத்தின் மிகப்பிரபலாமான தயாரிப்புக்களில் இதுவும் ஒன்று. புத்தம் புதிய வசதியொன்றுடன் யாஹூ மெசஞ்ஞரின் புதிய பதிப்பு தற்போது இணையத்தை அலங்கரித்து வருகின்றது.

இந்த புத்தம் புதிய பதிப்பின் மூலம் மிகத் துல்லியமானதும் நேர்த்தியானதுமான வீடியோ கோலினை (video call) மேற்கொள்ளக் கூடியதாகவும் முழுத்திரை வீடியோ கோலினை (full-screen video call) மேற்கொள்ளக்கூடியதாகவும் வடிவமைக்கப்பட்டுள்ளது. Full-screen வீடியோ கோல் வசதி எமக்கு இணைய அரட்டையில் புதிய அனுபவத்தை தரும் என்பது யாஹூவின் எதிர்பார்ப்பாகும்.

இந்த புதிய யாஹூ மெசெஞ்ஞரின் தரத்தினையும் செயற்திரனையும் காட்டும் வகையில் சில வீடியோக்களை யாஹு நிறுவனம் வெளியிட்டுள்ளது. அவற்றை கீழே காண்க. புதிய யாஹு மெசஞ்ஞரினை இங்கு http://messenger.yahoo.com/download/ சென்று டவுன்லோட் செய்து கொள்க

Read more

இசைத்துறைக்கு பிரவேசிக்கும் கூகிள் [Google Music]

இசைத்துறையிலும் ஏதாவது சாதிக்க வேண்டும் எனும் எண்ணத்துடன் கூகிள் குழுவினர் தனது புதிய சேவையினை வழங்க தயாராகி வருகின்றனர். கூகிள் மியூசிக் எனும் பெயரில் வெளிவரவிருக்கும் இந்த புதிய சேவையினை எதிர்வரும் க்றிஸ்மசில் வெளியிட இருப்பதாக கூகிள் அறிவித்துள்ளது. பெயரைக் கேட்கும் போதே உங்கள் அனைவருக்கும் புரிந்திருக்கும் என நம்புகிறேன்.

New York ராய்ட்டர் செய்திச் சேவையை மேற்கோள் காட்டி வெளியிடப்பட்டிருக்கும் இந்த http://www.wired.com/epicenter/2010/09/apple-google-clash-christmas/all/1 செய்தியில் குறிப்பிடப்பட்டிருப்பவதாவது,

கூகிள் மியூசிக் சேவையானது கையடக்க சாதனங்களினை அடிப்படையாக கொண்டு இயங்கவிருக்கிறது. Android OS ல் இயங்கவிருக்கும் இந்த கூகிள் மியூசிக் அப்பிள் iTunes க்கு நேரடி போட்டியாக அமையும் என எதிர்பார்க்கப்படுகிறது.

இசைப்பிரியர்களிடையே மாபெரும் வரவேற்பை பெற்றிருக்கும் iTunes இசைச் சந்தையானது கூகிள் மியுசிக்கினை வரவேற்குமா??.. அப்பிளினை வெல்லுமா கூகிள்?

Read more

ஐ போன் 4 ( i-Phone 4)

இதோ இதோ என்று சொல்லப்பட்ட ஐ போன் 4 அதிகாரபூர்வமாக வெளியாகியுள்ளது. அமெரிக்கா, பிரான்ஸ், ஜெர்மனி, ஜப்பான் மற்றும் பிரிட்டனில் இந்த போன் ஜூன் 24 அன்று விற்பனைக்குக் கிடைத்தது. அடுத்து ஜூலை மாதத்தில் மேலும் 18 நாடுகளில் வெளியிடப்படும்.இந்த போனின் சிறப்பு அம்சங்களை இங்கு காணலாம்....

வடிவம்
புதியதாக, முழு சதுரமாக, கருப்பு மற்றும் வெள்ளை வண்ணங்களில் இதன் வடிவம் அமைக்கப்பட்டுள்ளது. வால்யூம் கீகள் தனியாக ஒதுக்கப்பட்டுள்ளன. முந்தைய போனைக் காட்டிலும் 28% ஸ்லிம்மாக உள்ளது. 9.33 மிமீ தடிமன் உள்ளது.

இப்போது உள்ள மொபைல் போன்களில், இதுவே மிகக் குறைந்த தடிமன் உடையாதாக இருக்கிறது. போனைச் சுற்றிச் செல்லும் ஸ்டீல் வளையம், ஆப்பிள் நிறுவனத்தால் உருவாக்கப்பட்ட புதுவித உலோகமாகும். இது போனுக்கான ஆன்டென்னாவாகவும் இயங்குகிறது. இரண்டாவதாக ஒரு மைக் இணைக்கப்பட்டு, ஒலியின் தேவைற்ற இரைச்சலை நீக்குகிறது. இதன் டூயல் ஸ்பீக்கர்கள் கீழாக அமைக்கப்பட்டுள்ளன. எடை 137 கிராம்.

மைக்ரோசிம்

இந்த போனில் வழக்கமான சிம் கார்டுக்குப் பதிலாக மைக்ரோ சிம்மினைப் பயன்படுத்தலாம்.
டிஸ்பிளே



ஐபோன் 4–ன் திரை அதே 3.5 அங்குல அகலம் கொண்டுள்ளது. ரெசல்யூசன் 640 x 960 ஆக 320 x 480 லிருந்து உயர்த்தப்பட்டுள்ளது. மொபைல் போன் ஒன்றின் திரையில் அதிக பட்சம் காணப்படும் ரெசல்யூசன் இதுவாகத்தான் இருக்கும். எல்.இ.டி. பேக் லைட்டுடன் கூடிய எல்.சி.டி. திரையாக இது உள்ளது. இந்த திரையை ‘Retina Display’ என அழைக்கின்றனர். இந்த தொழில் நுட்பம் ஒரு சதுர அங்குலத்தில் 326 பிக்ஸெல்களைத் தருகிறது. இந்த திரை மேற்புறம் அலுமினோ சிலிகேட் கிளாஸ் கொண்டு அமைக்கப்பட்டுள்ளதால், இதில் ஸ்கிராட்ச் எதுவும் ஏற்படாது. இதை ரீசைக்கிள் செய்திட முடியும் என்பதால், அடுத்து ஐபோன் 5 வரும்போது எளிதாக மாற்றிக் கொள்ளலாம்.

கேமரா

இதன் கேமரா நேரடியாக 8 எம்.பி.க்கு உயரும் என்று எதிர்பார்த்த வேளையில்,
மெகா பிக்ஸெல் ஆக உயர்த்தப்பட்டுள்ளது. கூடுதலாக ஒரு எல்.இ.டி. பிளாஷ் இணைக்கப்பட்டுள்ளது. இதனை வீடீயோ ரெகார்டிங் போது பயன்படுத்தலாம். வீடியோ ரெகார்டிங் நொடிக்கு 30 பிரேம் ஆக உயர்த்தப்பட்டுள்ளது. டச் போகஸ், 5 எக்ஸ் ஆப்டிகல் ஸூம் மற்றும் ஜியோ டேக்கிங் ஆகியவை கிடைக்கின்றன. போன் முன் பக்கம் உள்ள இன்னொரு கேமரா, வீடியோ சேட்டிங் செய்திட மிகவும் உதவுகிறது. பேஸ் டைம் என்னும் வசதி மூலம் கேமராக்களுக்கிடையே மாறிக் கொள்ளலாம்.

சிப்

ஆப்பிள் ஏ4 சிப் ஒரு கிஹா ஹெர்ட்ஸ் வேகத்தில் செயல்படுகிறது. இதே சிப் ஐ பேடிலும் பயன்படுத்தப்படுகிறது. மல்ட்டி டாஸ்க் மற்றும் கேம்ஸ் இயக்கங்கள் இதன் மூலம் மிக எளிதாகக் கிடைக்கின்றன. HSDPA/HSUPA, WiFi 802.11 b/g/n என நான்கு பேண்ட் அலைவரிசைகளில் இயங்குகிறது.
கூடுதல் உதிரி வசதிகள்

பார்வை வசதி குறைந்தவர்களுக்கென ஸ்கிரீன் ரீடிங் என்னும் புதிய நுட்பம் தரப்பட்டுள்ளது. இது போனில் ஏற்படுத்தப்படும் அசைவுகள் மற்றும் தொடுதல் மூலம் இயங்குகிறது. கீ போர்டில் தொடப்படும் எழுத்துக்களை வாய்ஸ் மூலம் தருகிறது. இதன் உள்ளே உள்ள 21 மொழிகளில் இதனை இயக்கலாம். வீடியோ சேட் வசதி இதில் புகுத்தப்பட்டுள்ளது. இதற்கென வீடியோ சேட் எனப்படும் சாப்ட்வேர் அறிமுகப்படுத்தப்பட்டுள்ளது. இந்த மொபைல் போனை 30 புளுடூத் சாதனங்களுடன் ஒரே நேரத்தில் இணைத்து இயக்கலாம். இதில் தரப்பட்டுள்ள ஸூம் செயல்பாடு மூலம், திரையை ஐந்து பங்கு பெரிதாக்கிக் காணலாம்.

தான் அடுத்து வடிவமமைக்கும் போன்களில் மின்திறன் அதிகப்படுத்தப்படும் என ஆப்பிள் முன்பு அறிவித்திருந்தது. இதில் மின்திறன் 40% அதிகப்படுத்தப்பட்டுள்ளது. 3ஜி பிரவுசிங் தொடர்ந்து ஆறு மணி நேரம், வீடியோ 10 மணி நேரம், மியூசிக் 40 மணி நேரம் பயன்படுத்தலாம். ஒரு முறை ஏற்றப்பட்ட சார்ஜ் 300 மணி நேரம் தங்குகிறது. இதன் விலை 16ஜிபிக்கு 199 டாலர்; 32 ஜிபிக்கு 299 டாலர்

Read more

யாஹூ மைல் புத்தம் புதியதாய் [உத்தியோக பூர்வமானது]

உங்கள் யாஹூ மைல் தற்போது புத்தம் புதிய வடிவில் வெளிவர இருக்கிறது. புதிய தோற்றம் , புதிய வசதிகள் , புதிய உத்வேகத்துடன் மிகவிரைவில் வெளிவர இருப்பதாக யாஹூ அறிவித்துள்ளது. யாஹூ மைல் பீடா பதிப்பானது எவ்வாறான வசதிகளை கொண்டுள்ளது என்பதை கீழே பார்ப்போம்.


It is fast. யாஹூ மைல் பாவனையாளர்கள் இனி அதிவேகமாக உங்கள் மின்னஞ்ஞல்களை கையாளக்கூடியதாக இருக்கும். மின்னல் வேகத்தில் மைல்களை கையாளலாம் என்று யாஹூ கூறுகின்றது.

It Shines. புதிய தெளிவான தோற்றத்துடன் இந்த புதிய பீடா பதிப்பானது வெளிவர இருக்கிறது. அநேகமாக விளம்பரத்தொல்லைகள் குறைக்கப்படக்கூடும். இந்த ஒரு காரணத்தினாலேயே யாஹு மைல் இன்னும் விரைவு பெறும் என்பது எனது எதிர்பார்ப்பு.

It’s an anti spam warrior. ஸ்பாம் தொல்லைகள் குறைக்கப்பட்ட மின்னஞ்ஞல் அனுபவத்தினை பெறத்தயாராகுவோம். ஏனைய மின்னஞ்ஞல்களை பார்க்க இந்த புதிய பீடா பதிப்பில் ஸ்பாம் கட்டுப்படுத்தப்படும் என யாஹு தெரிவித்துள்ளது.

t’s keep connected. அதாவது சமூகவலைப் பின்னல்களுக்கிடையிலான தொடர்பை யாஹூவுடன் இணைந்து மிகச் சுலபமாக மேற்கொள்ளக்கூடியதாக இருக்கும் என யாஹூ தெரிவித்துள்ளது.

It’s just more than email. இப்போது வெளிவரைருக்கும் புதிய பதிப்பில் போட்டக்கள் மற்றும் வீடியோக்கள் அனுப்புவதும் பெறுவதும் இலகுவாக்கப்பட்டுள்ளது. ஜி-மைல் ஐ போன்று இனி வீடியோக்களை உங்கள் மின்னஞ்ஞலில் வைத்தே பார்க்க கூடிய தாக இருக்கும்.

இவை அனைத்தையும் இன்னும் சில வாரங்களில் வெளிவர இருப்பதாக யாஹூ அறிவித்துள்ளது

Read more